#Lepo Fanturka.

Lepo Fanturka.


#Kou lepo la Fred pacenoina smike, ice la Rokuel sii plizo ne meFai, miu disri lepo fa no nerbi ga lepo Fai stolo le meala Ottos folhaa. I miu fanbei Fai, le folhaa, le sesytursia je la Paknurmaosensi Stogrusia. I la Sorkoi Krips ga remcli jmitaa miu, e donsu ne leKai cutpinti tcure je lo pelto irhisi, miu.

Kou lepo la Fred, pacenoina smike, ice la Rokuel, sii plizo ne meFai gi, miu disri lepo fa no nerbi ga lepo Fai stolo le meala Otos, folhaa. I miu fanbei Fai, le folhaa, le sesytursia je la Paknurmaosensi Stogrusia. I la Sorkoi, Krips, ga remcli jmitaa miu, e donsu ne leKai cutpinti tcure je lo pelto irhisi, miu.


#Hue Kai, Ia mi fa clefio too. I mi fa clefio la Frederf sui. I, nia lepo tou pa traci guo, mi ze Fai rina cakma pleci. I Fai mutce spuro pleci. Ibuo, soi crano, Fai ckano, e letci lepo mi rina gancu.

Hue Kai guu, Ia mi fa clefio too. I mi fa clefio la Frederf, sui. I, nia lepo tou pa traci, mi ze Fai rina cakma pleci. I Fai mutce spuro pleci. Ibuo, soi crano, Fai ckano, e letci lepo mi rina gancu.


#La Frederf sui ga jmitaa miu, e fiozbu kentaa miu, lemiu po traci. I Fai sui gudfucfio lepo fangoi la Paknurmaosensi Stogrusia.

La Frederf, sui ga jmitaa miu, e fiozbu kentaa miu, lemiu po traci. I Fai sui gudfucfio lepo fangoi la Paknurmaosensi Stogrusia.


#Hue Fai, Ae mi fa takna le mermeu je la Bragai, e dislu lemi karti. I mi fu vidre riba ji kau gudmao kei. I ui, mi hapci lepo tuu napa fangoi, e, pia clefio tuo. I ua, mu nakau mutce turka, e cirna ia.

Hue Fai guu, Ae mi fa takna le mermeu je la Bragai, e dislu lemi karti. I mi fu vidre riba ji kau gudmao kei. I ui, mi hapci lepo tuu napa fangoi, e, pia clefio tuo. I ua, mu nakau mutce turka, e cirna ia.


#Fai nu treci le fungi mipli jio la BeibiDjein papa tokna mei, le frase kuvla. I hue Fai, kamkytaa, Ua, ii mi nu samtorpee ne frasi. I ai fei ditca lo frasa, mi. I hue Fai, gritu, Ea mu godzi, hoi Tciha je le fralai !!

Fai nu treci le fungi mipli jio la Beibi-Djein, papa tokna mei, le frase kuvla. I hue Fai, kamkytaa, Ua, ii mi nu samtorpee ne frasi. I ai fei ditca lo frasa, mi. I hue Fai, gritu, Ea mu godzi, hoi Tciha je le fralai!


#Hue la BeibiDjein, Tu hairbiu ia.

Hue Beibi-Djein, Tu hairbiu ia.


#Hue Fai, Rea mi hairbiu. I leumi, nero famcli fremi napa fangoi vi, ice mo fa mutce nu treci cirna. I mi, io fa vesmao ba.

Hue Fai guu, Rea mi hairbiu. I leumi, nero famcli fremi napa fangoi vi, ice mo fa mutce nu treci cirna. I mi, io fa vesmao ba.